wahabi ka Aitraaz ilm e gaib par

Bismillah

 

kisi buzurg ne kaha he wahabi bolta he samjhta nahi daikhiye wahabi in hadees e pak ko kase samjha or  jahilana post kar  Nabi pak sallallaho ahlei wassallam ke ilm e gaib par atraaz kiya gaya he

wahabi 1

(ek raat nabi akram(sws) apne bistar se uthkar baahar chale gaye, hz aisha (ra) bhi unke peeche baahar nikal aayin, aap (sws) ne baqiul gharqad(madine ka qabrastan) pahunchkar duwaye maghfirat ki aur waapas aa gaye, hz aisha ra unse pahle apne bistar par pahunchne me kaamyaab ho gayi lekin saans(breath) chadhi(fooli) hui thi, nabi akram sws ne wajah malum ki, hz aisha ra ne taalna chaaha, aapne farmaya-” aisha ! Bata do warna mera allah mujhe bata dega”, is par hz aisha ne saari baat suna di”
(sahih muslim 974)

isse malum huwa ki ghar se nikalte waqt hz aisha ra ko malum na tha ki nabi akram (sws) kidhar aur kyon jaa rahe hain aur nabi(sws) ko bhi malum na huwa ki hz aisha bhi mere peeche thi??

hz maswar bin yazid ra se riwayat hai ki ek baar nabi sws ne qir’at me qur’an ka kuch hissa chhod diya, ek aadmi ne kaha:- aapne falan ayat chhod di to aapne kaha:-” tune mujhe yaad kyon na dilaaya”
(abu dawood 907)
yani aap sws kabhi kabhi bhool bhi jaate they )

ye inki web site ka pic. he isme 2 hadees e pak byan kiya gaya he hawala b hi likha he mager is me ilm e gaib ki nafi kaha he balki isme elm e gaib sabit ho raha he is ka jawab samhje

 Ahle sunnat ka aqeda

Allah ta’laa ka ilm zati he bagair uske batay koi ek shabd nahi jaan sakta or Allah ne apne habib sallallahu alaihi wasallam ko jo chaha ilm diya koi bhi shakhs uski miqdaar bata nahi sakta !

itna jarur he ki nabi pak sallallahu alaihi wasallam ko Allah ta’laa ne jo ho chuka or jo hoga sab bata diya

quran : or sikha diya aap ko jo kuch ap nahi jaante thy ( surah nisa 4 ayat 113 )

hadees pak: Abu jaid amar bin akhtab ne farmaya huzur sallallahu alaihi wasallam ne khabar di hum ko jo kuch hua or jo kuch hoga (kitabul fitan baab nabi ka khabar dena”muslim shareef” jild 2 page 390 hadees 7449)

is ayat or hadees se mustafa sallallahu alaihi wasallam ka elm e gaib sabit ho gaya mager yaad rakhe har banda wahi jatna he jo rab batata he

note: ager koi yeh kahe ke nabi ne hazrat aaysha se farmaya ki batao saash kyu fool rahi he ager gaib hota to khud hi jaan late

to uska jawab ye he

jawab: sabse pahli baat kisi cheez ke baare me sawaal kar lene se uska na jaanna lazim nahi ataa

quran shareef me he

Allah ne hazrat musa aleisalaam se pucha

“tumhare seedhe hath me kya he” ? ( surah taha ayat no.17)

to kya maazAllah rab ko maloom nahi ki hazrat moosa alyhissalaam ke hath me kya he

or dusra jawab

isii hadees pak me aage he

hazrat aaysha Radiyallahu anha ne kaha “log jub kuch chupate he to ya RasoolAllah rab aap ko bata deta he”
nabi pak sallallahu alaihi wasallam ne irshad farmaya
haan

pata chala mustafa sallallahu alaihi wasallam se kuch chupa nahi Allah ta’laa ne sab bata diya he

lihaza ye hadees e pak ilm e gaib ko sabit kar rahi he na ki mustafa sallallahu alaihi wasallam ke ilm e gaib ki nafi kar rahi he

 

Alahazrat Imam Ahmed Raza Khan Fazil e Barelvi. Rahmatullah Alaihi farmate he  

Ya rasoolaAllah or koi gaib kya tumse niha ho bhala

jub na khuda hi chupa tum pe karodon durud

( 2 ) duri hadees jo pesh ki gai he ki nabi pak sallallahu alaihi wasallam kabhi kabhi bhool jate they

jawaab: ager nabi pak sallallahu alaihi wasallam bhool jate he isse ilm e gaib ka na hona lazim nahi ataa kyuki ager nabi bhool kar namaz ke aakhir me sajda sahaw ka tareqa na batate to ummat par bhari padh jaay jub namaz me bhool jay to puri namaz wapas ada karni hoti ummat ki asani ke liya bhool bhi rahe he or sajda sahaw bhi sikha rahe he warna khud nabi pak sallallahu alaihi wasallam irshad farmate he

hades shareef : aye Ayesha ! meri Annkhen soti hen mager dil nahi sota ( bukhari jild 1 page 154  baab nabi pak ka ramdan me qyam hadees 1147 muslim jild 1 page 254)

note :jiska dil kabhi sota na ho wo bhool kase sakta he

Allah ta’laa is fitne se Alam e islam ko mahfooz farmaaye Ameen bijaahin nabiyyil kareem sallallahu alaihi wasallam

Allah T’aala
Tamam Musalano Ki Arwah Ko
In Kalimat Ka Sawab Ata Farmaye Ameen bijaahin nabiyyil kareem sallallahu alaihi wasallam